I vin comencet tal asilo chi erin fruts
con chi imparavin aì encj a talianà,
ju cjante de Patrio a scuelo pì granduts
aì cu la orêlo e sji è comenceto a fâ.

A scuelo cun Pre Maxim par dutrino
a nus à insegnât a cjantâ encj par latin
cu in chei agn ju cantuors da Culino
lâz ducj pal mont e al ero nomo Min.

I vin imparât ju Ufizis di Muarz e di Madins
Salmos e Lezions chi vevin da savìo
e in te Setemano Santo imò pì fins
dut, parfin las lementazions di Jeremìo.

"Qui cantat bis orat" det par latin
chel cu cjanto al preo doi viaz
como cal vares det encj Sant Ustin
e cussì cjantant in glisjio i vin pì vantaz.

Ma i vin cjantât encj fôr, cjants di coscrits e di soldâz
in tes betolos con ca sji ero in companìo
cun t'un tai cuacu viaç i sji sin molâz
par finî uno fiesto in aligrio.

E aì ti coros 'la chi vin cjantât di fin,
'i Maestris cu cun pazienzo i nus an insegnât
a Alberto, Pre Usef, Croppo e Mario dal Stradin
ca jur vado uno recuio e dut lu nuestri grât.

E vint fat part par puoc in te corâl dal For
cu chest'an e finisj ju sessant'agn
aì chi vin cjantât in glisjio e encj a tor,
i augurin che vado imò un grumon di agn!